Suspende Aguero zogu tolu, Ausente iha Derby Manchester

Manchester – estrelaonline – FA to ikus deisidi hodi suspende Sergio Aguero to zogu tolu. Ho nune, striker Manchester City ne sei ausente iha derby Manchester.

Antes ne, Aguero akuzadu husi FA tamba lori liman sikun kona zogador defeza West Ham United, Winston Reid. Akontesimentu ne waihira City sai bainaka iha West Ham Stadio Etihad, Domingu (28/8/2016).

Arbitu nebe lidera zogu ne. Andre Marriner, la hare insidente ne. Ho nune, nia la hatama relatóriu ne iha zogu refere. Kontudu, asaun Aguero ne kaptura husi kamera.

Akuzasaun ne FA julga ona, City halo rekursu. Rekursu ne mos FA halo fali hearing iha sesta oras neba (2/9).

To ikus, sira desidi katak Aguero sala no bandu striker husi Argentina ne atu zoga iha zogu tolu tuir mai, inklui The Citizens hasoru Manchester United iha Old Trafford, 10 Setembru 2016.

Kastigu zogu tolu ne hanesan asaun hakotu ba zogador mediu United nian, Bastian Schweinsteiger, epoka liu ba. Uniku ne mak, Schweinsteiger mos halo falta hanesan no kastigu tamba lori liman sikun kona zogador nebe hanesan: Winston Reid. (charly)

Leave a Reply

Your email address will not be published. Required fields are marked *