España hakarak dumina mundu  

 

Madrid – estrelaonline.co – Ekipa nasional España konsege ona dumina futebol mundial. Maiske agora dadaun redus ona, España  sertu bele fila fali dumina futebol internasional.

Tinan 2008 hanesan inisiu era osa mean España. Submete ba Luis Aragone, La Furia Roja manan taxa Eropa ho tekniku tiki-taka.

Liu husi zogu ne, susesu España kontinua. hamutuk Vicente del Bosque, hafoin sira sai kampiaun iha kopa mundial  2010 no defende kopa Eropa tinan rua tuir mai.

Maibe iha tinan hirak ne, España infrenta redusaun. Sira falla total iha kopa mundial tinan 2014 no to deit iha fase 16 Kopa Eropa 2016.

Fallansu iha Kopa Eropa halo Del Bosque rezignaan. España  agora hahu era foun ho Julen Lopetegui.

Defeza España, Dani Carvajal, akredita katak nia ekipa bele fila dumina futebol mundial. Nia hatene katak España iha kapasidade ba ne.

“Ami iha fundamentu nebe diak tebes no grupu zogador nebe forte tebes,  diak hanesan país sira seluk,” tenik Carvajal hanesan sita husi Football Espana.

“Ami tenke hetan fali performa no senti hamlaha no halo ami nia ekipa dumina mundu ,” hatutan zogador Real Madrid ne.

“Ami hatene ami iha kapasidade halo ida ne, ami presiza oitaon faíska hodi azuda ami ,” nia hateten. (charly)

Leave a Reply

Your email address will not be published. Required fields are marked *