Hull vs MU: MU determina hahu ho perfeitu

Manchester-estrelaonline.co– Manchester United determina kontinua hahu ho perfeitu iha inisiu epoka ne waihira hakat ba sai bainaka iha Hull City nebe mak rezultadu 100% iha zogu liu ba.

MU koleta ona pontu nen husi zogu rua durante ne. Hahu husi manan 3-1 iha kuartel Bournemouth no ikus mai manan no sai uma nain 2-0 waihira simu bainaka Southampton.

Inisia The Red Devils aumenta kompletu liu tan ho manan 2-1 ho Leicester City waihira sai kampiaun iha Community Shield semana ida antes komesa Premier League.

Nune mos, Hull nebe mak sira atu ba, sabdu (27/8/2016), Mos hetan rezultadu masimu iha zogu rua liu ba; ekipa promosaun ne manan 2-1 ho Leicester no halakon Swansea 2-0. Iha semana klaran ne, The Tigers mos manan iha segunda parte trofeu liga Inglatera.

“Semana ne ami halo ona preparasaun ho diak ho nune ami espera kontinuasaun nebe diak nafatin. Klaru qe ita hakarak mostra buat nebe diak iha zogu sira no azuda hakas an hodi manan,” deklara kapitaun MU Wayne Rooney ba MUTV.

Agora dadaun Hull sei treinu husi caretaker Mike Phelan, hanesan eis zogador MU no hanesan asistente gerente MU. Sidauk iha informasaun ruma atu sai permanente ba pozisaun ne tamba nia foin hahu zogu nebe diak hodi treinu ekipa Hull.

“Nia certeza katak kleur ona servisu hamutuk Sir Alex Ferguson no zoga iha tekniku nebe fo husi Ferguson. Hull hahu epoka ne ho diak no hau iha serteza katak nia iha oportunidade boot, nia sei halao servisu ho diak,” Dehan Rooney. (Charly)

Leave a Reply

Your email address will not be published. Required fields are marked *