Play-off Liga Champions: Porto halakon Roma 3-0

Roma – estrelaonline.co– AS Roma harahun rasik oportunidade sira nian hodi tama ba faze grupu Liga Champions. Mostra imprudente, Porto hamoe sira ho 3-0.

Atende Porto iha Olimpico, Kuarta (24/8/2016) dader OTL iha zogu leg segundu play-off, Roma lolos ne iha situasaun nebe sufisiente diak tama ba faze grupu nian. Sira zoga ho balansu no laiha golu hodi liu ba fase ne, depois sira halo empata ho Porto 1-1 iha leg dahuluk iha Portugal.

Zoga iha apoiantes sira oin lolos ne hanesan fator nebe iha vantazen liu ba Giallorossi. Ho vantazen hanesan uma nain ne. Roma harahun nia an rasik.

Sira hela ho golu lais Felipe iha  minutu 8, Roma zoga desleixada. Konsekeuntemente Daniele De Rossi hetan kartaun mean iha minutu 39 tamba halo falta makas iha area defeza Porto nian.
Kartaun mean halo Luciano Spalletti dada sai Leandro Paredes ho hatama Emerson Palmieri hodi halo reforsa ba area defeza. Kontudu Emerson hetan mos kartaun mean iha minutu 50, ne mos tamba hal falta iha area mediu.

Porto iha prosesu ne aumenta tan golu rua, liu husi Miguel Layun iha minutu 73 no haktuir mos golu Jesus Corona minutu rua ikus. Porto mos manan 3-0 iha zogu ne, ka  4-1  agregat no tama ba faze grupu Liga Champions. Ekuantu Roma tenke tama Liga Europa.

Lineups
Roma: Szczesny; Bruno Peres, Manolas, De Rossi, Juan Jesus; Nainggolan, Paredes (Emerson 42′), Strootman; Salah, Dzeko (Iturbe 59′), Perotti (Gerson 86′)

Porto: Casillas; Maxi Pereira (Layun 45′), Felipe Augusto, Marcano, Alex Telles; Herrera, Danilo Pereira, André André; Otavio (Oliveira 57′), André Silva, Corona . (Charly)