Zidane fo prioridade ba La Liga

Madrid – estrelaonline.co-
Zinedine Zidane fo prioridade ba trofeu La Liga ba epoka ne. Kleur ona El Real la manan iha zogu domestiku.

Hare ba rezultadu iha epoka rua ikus ne, Madrid oke liu iha liga Champions. Mesmu, titlu 11 liga champoins El Real hetan iha epoka dahuluk Zidane hanesan treinador iha neba.

Enkuantu titlu La Liga kleur ona laiha sira nia liman laran, hahu husi epoka 2011/2012. Trofeu Copa Del Rey mos la besik ona sira depois de ikus liu sira hetan iha epoka 2013/2014.

Iha epoka ne Zidane determina ona qee Madrid bele dumina fali liga domestiku iha parte seluk mos nafatin kontinua susesu iha nivel eropa. Embora, hare ba rezultadu epoka liu ba, Zidane halo predisaun katak epoka ne sei la fasil ba Madrid kompara ho kompetisun 2015/2016.

Zidane hateten rivalidade makas sei iha ekipa tolu nebe valor as iha epoka liu ba: Madrid, Barcelona no Atletico Madrid. Iha fin husi epoka Madrid final iha klasifikasaun segundu antes ne sei iha klasifikasaun ba dala tolu.

“La Liga importante ho sistema kompetisaun nian. Hafoin tuir mai trofeu sira seluk no liga champions. Liga importante tebes duni,” dehan Zidane hanesan sita husi Footbal Espana.

“Atletico Madrid nia nivel hanesan ona Barcelona no Madrid. Epoka ne sei hanesan epoka nebe kompetitivu tebes ba ami maibe ami prepara an ona. Ami tenk hahu kompetisaun ho diak,”nia hatutan

Real Sociedad sei hanesan ekipa dahuluk kontra Madrid iha La Liga. Madrid tuir orariu sai bainaka iha segunda dader ne (22/8/2016) OTL.

“Real Sociedad diak tebes kuandu sai uma nain. Sira ekipa nebe susar kuandu kontra sira,” tenik Zidane. (Charly)

Leave a Reply

Your email address will not be published. Required fields are marked *