MU Hahu ho vitoria kontra Bournemouth

Bournemouth -estrelaonline.co– Manchester United hahu nia Vitoria iha Premier League 2016/2017. The Red Devils Halakon uma nain Bournemouth ho valor 3-1.

Vizita ba Vitality Stadium, Dominggu (14/8/2016) kalan OTL. MU monta nia zogador foun tolu. Zlatan Ibrahimovic hanesan ponta de lansa, Eric Bailly iha pozisaun defeza sentral, kontudu Henrikh Mkhitaryan tama iha subtituisaun parte segundu zogu nian.
Paul Pogba Sidauk bele zoga tamba hetan sansaun labele zoga.

Maiske ladun zoga diak iha parte primeiru nian, MU ho golu 1-0 antes rekreiu. Golu primeiru MU nian iha Premier League iha epoka ne hatama husi Juan Mata iha minutu 40.

MU hatudu nia zogu diak iha parte segundu, Golu Wayne Rooney iha minutu 59, no Ibrahimovic iha minutu 64 lori ekipa bainaka manan 3-1.

Bournemouth konsege habadak distansia golu nian ho MU liu husi golu Adam Smith iha minutu 69. Kontudu golu ne deit mak akontese ba uma nain.

Ho vitoria ne MU tama iha klasifikasaun primeiru provizoriu ho valor tolu. No Bournemouth iha pozisaun ikus liu ho valor zero.

Lineups
Bournemouth: Boruc; Francis, Smith, Steve Cook, Daniels; Surman, Arter, Lewis Cook (Gradel 82′); Ibe (Afobe 68′), Wilson (Grabban 67′), King

Manchester United: De Gea; Valencia, Bailly, Blind, Shaw; Fellaini, Herrera; Mata (Mkhitaryan 75′), Rooney (Memphis 89′), Martial (Schneiderlin 85′); Ibrahimovic. (charly)

Leave a Reply

Your email address will not be published. Required fields are marked *