MU sidauk hatun Pogba iha semana ne

Manchester – estrelaonline.co– Fans Manchester United tenke pasiensia atu asiste Paul Pogba nia zogu. Pogba sidauk bele zoga iha semana ne tamba hetan bandu atu zoga.

Pogba kona akumulasaun kartaun kinur iha momentu sei zoga ho Juventus iha Copa Italia epoka liu ba. Nia hetan kartaun kinur waihira iha semifinal kontra Inter Milan no final kontra AC Milan.

Ho ida ne halo Pogba tenke ausente waihira MU sai bainaka ba Bournemouth ba zogu primeiru Premier League, Domingu (14/8/216) mai. Laos Pogba deit maibe zogador MU seluk nebe ausente hanesan Chris Smalling tamba hetan suspensaun.

“Hau hatene on situasaun ho kartaun kinur, maibe hau lahatene oinsa ho akumulasaun sei sai buat nebe bandu atu zoga,” tenik jerente MU, Jose Mourinho, Sesta (12/8/2016).

“Hau lahatene oinsa bandu zoga husi tebebola Italia sei vigor ba kompetisaun nebe hanesan iha Inglaterra, hanesan zogu primeiru iha Copa FA,” hatutan Mourinho.

MU lori fila Pogba husi Juventus Ho valor tranferensia tuir informasaun to milaun 89 poundsterling. Mediu mai husi Fransa ne dalaruma sei iha posibilidade zoga iha MU kontra Southampton Iha Old Trafford Loron 19 Agostu mai. (Charley)

Leave a Reply

Your email address will not be published. Required fields are marked *