Andre Gomes, Zogador Portugal ba dala hitu iha Barca

Estrelaonline.co – Tó iha Barcelona zogador Portugal aumenta tan lista zogador sira Portugal nian iha istoria Blaugrana. Nia mak zogador Portugal ba dala hitu iha Barca

Semana liu ba ofisialmente Barca rekruta Gomes husi Valencia. Zogador ho idade 22 sai rekrutadu ba dala hat klubu Catalan iha epoka ne.

“Andre Gomes hanesan zogador  Portugal ba dala hitu iha istoria FC Barcelona,” dehan www.FCBarcelona.com.

Antes Gomes, Barca mos rekruta ona zogador sira Portugal nian hanesan Luis Figo, Vítor Baia, Fernando Couto, Simao Sabrosa, Ricardo Quaresma, no Deco.

“Naran Jorge Alberto Mendonca nebe zoga ba ho ekipa Barca iha tinan 1967 no 1969. Maibe avansador nebe moris iha Angola 1938, no iha tempu neba sai hanesan kolonia Portugal,” hatutan site ofisial Barca.

Tuir mai kona-ba zogador Portugal nain nen nebe antes ne iha Barca:

Luis Figo: 1995-2000. Zogu 249 no golu 45 iha zogu ofisial. Nia hetan tasa nen. Maibe apezar nia hanesan kapitaun ba ekipa. Nia ba Real Madrid.

Vitor Baia: 1996-1999. Zogu 55. Nia hetan tasa nen. Husi Porto ba Barca iha epoka 1996-97, nia fila ba Porto tinan 1999-2000.

Fernando Couto: 1996-1998. Zogu 63 golu rua iha zogu ofisial. Hetan tasa nen. Husi Parma, no husi Barca ba Lazio.

Simao Sabrosa: 1999-2001. Zogu 71 golu hat iha zogu ofisial. Hetan tasa ida. Husi Sporting ba Barca, no ba fali Benfica.

Ricardo Quaresma: 2003-04. Zogu 30 golu rua iha zogu ofisial. Hetan tasa ida. Husi Sporting ba Barca, ba fali Porto.

Deco: 2004-2008. Zogu 164 golu 23 iha zogu ofisial. Hetan tasa hitu. Husi Porto ba Barca, ba fali Chelsea. (charly)