Jersey bainaka Barca

Barcelona – Estrelaonline.co- Barcelona Lansa uniforma (jersey) bainaka ba epoka 2016/2017. Haktuir nafatin tradisaun kor naroman ba jersey bainaka, epoka ne barca sei hatais kor roxu.

Kor roxu sei dumina iha uniforma Barca ba epoka tinan oin. Roxu hanesan kor nebe mai husi rezultadu kor mean ho azul no hanesan kor grandeza Barca.

Uniforma ne hanesan kontinuasaun tadisaun Barca kombina ho kor sira nebe naroman iha Jersey bainaka nian. Epoka liu ba, Lionel Messi ho kolega sira. Utiliza uniforma bainaka nian ho kor kinur no kalsa azul.

Traze dezenu husi Nike ne kompleta ho kalsa kor roxu. Enkuantu meias nebe mak atu utiliza ho kor mean naroman.

Parte kotuk no kabas, kor roxu kahur kor metan no bele fo impresaun nakukun tebes. Riska kor mean naroman haleu iha kakorok no hanaruk iha sorin meias no kalsa nian.

Hanesan ho uniforma uma nain, uniforma bainaka Barca mos infeita letra balun. Iha parte kotuk gola, iha letra ‘Barca’. Enkuantu iha parte laran liman hakerek ‘Un Crit’ iha liman sorin los no ‘Valent’ karuk.

b389ef73-ecb8-456b-9479-02b54baef63b_43 nike

Liafuan sira ne Hanesan parte balun husi hinu Barca nian hosi lingua Catalan no karik bele kompila katak ‘Our Cry is Bold’.

“Kahur kor sira ne hanesan tradisaun mean ho azul halo kamizola ne naroman, maibe iha momentu hanesan los duni iha ligasaun ho ami nia historia. Ami senti katak ida ne agil no lais,” tenik kapitaun, Andres Iniesta, nebe sita husi site ofisial Barca.

Barca antes ne fo konese ona jersey uma nain nian, ba jersey bainaka, Blaugrana fila ba tradisaun ho riska vertikal. (Charly)