STAE, Ra’es Hadomi Timor oan deskute esbosu publikasaun

Dili – estrelaonline.co – Secretáriado Técnico de Administração Eleitoral (STAE), Prozeto Ba Distrito no Ra’es Hadomi Timor Oan (RHTO) Segunda-feira ne’e (11/07/2016), hala’o sorumutu daruak hodi diskute kona-ba esbosu publikasaun drama audio visual (Public Service Announcement) ba preparasaun eleisaun suku ne’ebé sei fó sai iha Radio no TV.

Sorumutu ne’e, partisipa husi xefi departementu edukasaun eleitoral no formasaun, Sr. Karseres Ximenes ho ekipa Ra’es Hadomi Timor Oan (RHTO) no zestor komunikasaun ba distrito, Sr. Antonio Soares.

Rezultadu husi sorumutu ne’e hamosu ezbosu kona-ba publikasaun drama ne’ebé ho intensaun atu enkoraja maluk difisiente sira hodi tuir resenseamentu eleitoral, enkoraza ema ho defisiente atu tuir votasaun no enkoraza ema ho defisiente sira atu suporta prosesu eleisaun tomak.

Esbosu publikasaun ne’e, sei entrega ba Diretor Jeral STAE atu hetan aprovasaun molok utiliza konseitu mensajen xave ba iha drama audiovisual.( Media STAE)