Troféu Kopa Eropa 2016 sei entrega husi Xavi Hernandez

Estrelaonline.co – Lenda Barcelona no selesaun Espanha, Xavi Hernandez, sei marka prezensa iha zogu final Kopa Eropa nebe sei hasoru malu Fransa ho Portugal, segunda dader, iha Stade de France, Paris.

Laos hanesan asisti deit final ne, Xavi mos hetan fiar husi autoridade futebol Eropa, UEFA, hodi entrega troféu Henri Delaunay ba ekipa nebe manan iha final. Sita husi Marca.

Iha razaun hili Xavi Hernandez, hanesan ita hotu hatene, Xavi ema ida nebe sai íkone futebol modernu, nebe nia kareira diak tebes iha nivel eropa, hamutuk ho klubu no waihira ho uniforma La Furia Roja.

Espesial ba ekipa nasional Espanha, ho naran kompletu Xavi Hernandez Creus ne senti ona titulu kopa eropa back-to-back iha tinan 2008 no 2012. Nia mos hola parte iha kopa mundial Afrika du Sul tinan nen liu ba, ekipa matador sai kampiaun ba dahuluk.

Xavi hahu nia estréia ho Espanha iha tinan 1997 no ih nivel tinan 17. Hafoin tinan tolu, fo fiar hanesan ekipa senior.

Zogu primeiru Xavi ih nivel senior espanha akontese iha 15 otubru 2000, kontra Holanda, Iha zogu amigavel. Espanha iha tempu neba lakon ho 2-1. Golu Fernando Hierro, no golu 2 husi holanda husi Jimmy Floyd Hasselbaink no Frank de Boer.

Iha periodu tinan 16 zoga ba nia nasaun, Xavi ho golu 9, 425 minutu zoga, husi 133 kompete ona hetan golu 13, ho nia idade nebe tinan 36, Xavi sei zoga nafatin iha klubu husi Qatar, Al Sadd. (Charly)

Leave a Reply

Your email address will not be published. Required fields are marked *