Loew konfia Fransa Manan Portugal

Estrelaonline.co – Entrenador Alemaña, Joachim Loew, rekonese katak Fransa merese avansa ba final.  Nia mós fo konfiansa makas ba Fransa atu hetan vitoria iha final iha segunda dader semana oin

Alemaña bele domina bola iha meiu final nebe halao iha Estadiu Stade Velodrome, Marseille, Sesta (8/7/2016) dader Otl, maibe iha minutu ikus Fransa mak sai kampiaun ba zogu ne, liu husi goleador Antoine Griezmann, Les Blus manan ho 2-0 kontra Die Mannschaft.

Embora domina,  Alemaña la konsege hakat liu defeza Fransa nebe metin tebes. Ida ne halo sira dumina, iha parte minutu 45 dahuluk, laih rezultadu.  Fator seluk tan, laih jogador atake puru (avansadu), nebe mak hanesan Mario Gomez, no mos halo Alemaña laih alvo ka tarzetu iha oin.

Blunder rua husi jogador Alemaña—primeiru bola-mão (bola kona liman) husi Bastian Schweinsteiger, segundu kuandu Joshua Kimmich lakon bola iha grande area—to ikus Fransa hetan golu rua.

“Fransa susesu hakat ba final.  Kuandu imi nia ekipa manan 2-0, ne signifika imi nia ekipa merese tebes,” Tenik  Loew ba BBC.

“Hau hanoin, sira sei manan kontra Portugal,  Ate agora, Portugal sidauk bele certeza atu manan.  Enkuantu, Fransa, Hau hanoin ekipa nebe diak tebes.  Embora, ami hatudu ona zogu nebe diak liu ,” dehan Loew.

Zogu final, sei realiza iha Segunda  (11/7/2016) dader tuku 04.00 Otl iha  Estadiu Stade Velodrome, Saint-Denis. (charly)

Leave a Reply

Your email address will not be published. Required fields are marked *