Halakon Alemana, Fransa hasoru Portugal

Estrelaonline.co – Liu husi golu rua Antoine Griezmann, Fransa hakat ba final kopa Eropa 2016. Sira manan 2-0 ho Alemana no sei hasoru Portugal iha zogu ikus.

Fransa konsege hetan presaun husi Alemana iha parte dahuluk minutu 45 nian, maibe Sira hetan golu ida liu husi tiru penaltu Griezmann. Liu tiha ne, zogu komesa iha mudansa barak.

Iha parte segundu minutu 45 nian, Fransa agresivu liu. Ho sira nia servisu makaas hafoin hetan tan golu ba dala rua nebe hahu husi fallansu lina kotuk (defeza) Alemana. Dala ida tan Griezmann sai hanesan goleador.

Alemana rasik difisil tebes atu sobu area defeza Fransa nian. Laiha papel atakador puru ida, nebe baibain Mario Gomez, hanesan autor ba pozisaun ne. Ida ne mak sai fator ba situasaun refere. Iha paste seluk, oportunidade barak mos baliza Fransa ne Hugo Lloris salva bola nebe fo ameasa tebes.

Fransa mos hakat ba final kopa Eropa nian hodi hasoru Portugal nebe hein hela waihira sira manan Wales 2-0. Zogu final ne sei realiza iha loron segunda dader (11/7/2016), tuku 04.00 Otl, iha Estadiu France, Saint-Denis. (Charly)