Governu Brazil sertu Zika iha relasaun ho Mikrosefalus

Estrelaonline.co- Ministro Saude Brazil Marcelo Castro deklara  katak virus zika iha relasaun ho moris invalidu. Enkuantu evidênsia Sientífika sidauk hetan no peskiza konaba asuntu ne no sei lao halo.

Castro hateten diferente fulan entre tempu virus zika ne lao no kresente relatoriu kazu mikrosefalus laos buat asidente deit.

“Ami iha serteza tebes iha relasaun kauza entre mikrosefalus ho zika,” dehan Castro hanesan sita husi Time. Nia mos hatutan se peskizador iha governu refere konkorda ho deklarasaun ne.

Evidensia klinika no inspesaun inisial deteta katak labarik barak ho mikrosefalus verifika katak moris ho inan nebe hetan infesaun zika waihira isin rua. Ho ida nee, Castro deklara presiza peskiza barak liu tan hodi deteta karik iha fator seluk mak sai hanesan papel  boot hodi hasae moris invalidu nian.

Alende ne, Governu Brazil mos rezeita katak ninia parte tarde liu halo invesigasaun ba kazu nebe as ne hodi nune halo kauza ba ansiedade internasional. Castro afirma governu sentral fo intrusaun ba governu lokal atu aselera inspesaun ba kada labarik foin moris sira.

Medical Daily fo sai, governu Brazil desloka ona 220 mil forsa husi militar no servisu nain saude nian atu reforsa kampania zero Zika iha rai laran.

Husi 200 mil forsa nee, 70 mil forsa foka liu sidade Rio de Janeiro tamba sidade ne sei sai hanesan fatin selebra olimpiade.

Forsa sira ne sei vizita uma kain hotu atu sensibiliza virus zika. Iha milaun tolu uma nebe iha 350 bairo hanesan alvu husi kampania ne.

“Sem imvolvimentu populasun atu kombate virus zika sei susar tebes no waihira sira imvolve, ne mos sei susar nafatin, maibe laos buat nebe imposibel, tenik Castro.

Brazil halo ona relatoriu ba 150 kazu mikrosefalus kada tinan. Hahu otubru tinan kotuk, liu husi rihun lima kazu mikrosefalus halo ona relatoriu. Husi dadus ne, 41 kazu iha relasaun ho zika.

Peritus sira okupadu tebes ba peskiza virus zika husi parte lakuna. Sira buka tuir lolos iha ka lae relasaun virus zika ho moris invalidu no nervu kauza ba paralisia.

Meius oioin sira halo ona, hahu husi halo susuk enzenaria zenetika atu kontra virus zika, buka pestisida kimika nebe seguru no efikas, no dezenvolve aimoruk sira hodi kurativu no prevene infesaun virus zika. (CNN/Charly)

Leave a Reply

Your email address will not be published. Required fields are marked *